monumenta.ch > Aurelius Victor > 25
Aurelius Victor, de Viris Illustribus, XXIV <<<     >>> XXVI

Caput XXV

1  Fidenates, veteres Romanorum hostes, ut sine spe veniae fortius dimicarent, legatos ad se missos interfecerunt; ad quos Quinctius Cincinnatus dictator missus magistrum equitum habuit Cornelium Cossum, qui Lartem Tolumnium ducem sua manu interfecit. 2  De eo spolia opima Iovi Feretrio secundus a Romulo consecravit.