| 1 | [ 6. Cod. Vat. rupe tument: quod tenendum. 7. Cod. Vat. rapiens per confraga. 12. Edit. Ven. tollat. ad astra chaos. ] Nauta rudis, tumido cum vult dare vela profundo, |
| 2 | Atque procellosas nescius intrat aquas, |
| 3 | Raucisono latrante salo, cum perstrepit aequor, |
| 4 | Et vaga terrifico murmurat unda freto: |
| 5 | Exsiliens pelagus colles ubi volvit aquosos, |
| 6 | Planaque dorsa maris mobile rupe timet: |
| 7 | Naufragii cumulos capiens per confraga, Pontus, |
| 8 | Qua crepitat rapidus, monte natante, liquor: |
| 9 | Certatim implicitam quatiunt vada caerula cymbam, |
| 10 | Cum liquidi campi pensile transit iter: |
| 11 | Si fera crescat hiems, ut spumis verberet auras, |
| 12 | Et mare caeruleum tollat ad astra caput: |
| 13 | Fluctibus excussus per nubila navita currit, |
| 14 | Intrat et aerias pendula prora vias. |
| 15 | Pars subit una ratis, pars altera vergit arenis, |
| 16 | Nutat et in dubio lubrica libra freto. |
| 17 | [ 25. Ed. Ven. ratione gerendum: quod placet. 32. Ed. Ven. Musarum cuius non rigat ore lacus. 36. Cod. Vat., Ut mea vela. 38. Cod. Vat. et in Ven. Ed., si sua flabra; quod tenendum. ] Nunc sursum inspicitur pelagi furibunda ruina, |
| 18 | Pontus et iratas desuper armat aquas. |
| 19 | Nunc quoque prosiliens zephiri pelagique repulsu, |
| 20 | Fluctibus eximiis evolat acta ratis. |
| 21 | Afficitur tremulis temerarius arbiter undis, |
| 22 | Et stupet, implicitas quas petat arte vias. |
| 23 | Attonitus, trepidus, hebetans, vagus, anxius, anceps, |
| 24 | Confuso ingenio mox ope nauta caret. |
| 25 | Iamque gubernaclum amittens ratione gerendi, |
| 26 | Pondere victus aquae, nescius arte iacet. |
| 27 | Sic ego de modicis minimus, venerabilis Agnes, |
| 28 | Cum Radegunde sacra, quos colo sorte pia: |
| 29 | Tendere pollicitum quia cogor ad ardua gressum, |
| 30 | Imperiis tantis viribus impar agor. |
| 31 | Fluctuat ingenium, cui non natat unda camoenae |
| 32 | Sensus arenosus non rigat ore lacus. |
| 33 | Nam celsum meritis Martinum ad sidera notum, |
| 34 | Cum sint vota, mihi non valet arca loqui. |
| 35 | Poscendum est vobis, ne naufraga prora laboret, |
| 36 | Flatibus ille suis sed mea vela iuvet. |
| 37 | Credere tunc potero ad portum mea carbasa ferri |
| 38 | Aspirante fide, si sua labra favent. |
| 39 | Ferte precanter opem, et de verbo poscite verba, |
| 40 | Si fons ille rigat, rivulus iste meat. |
| 41 | Vos date quod vobis cum fenore reddat alumnus, |
| 42 | Addam ut thesauris parva talenta suis. |