Venantius Fortunatus, Vita S. Remigii, 1.
| 1 | Beatissimi Remigii antistitis depositio sancta nobis hodie diem mysticae solemnitatis exhibuit, quae annis singulis, dum in se cursu temporum volvitur, nostris desideriis innovatur. |
| 2 | Hic itaque primis ortus natalibus, parentum nobilitate fulgebat, quem divina pietas non solum priusquam nasceretur, sed antequam conciperetur, elegit; in tantum, ut Montanus quidam monachus, dum se levissimo sopore quiesceret, tertio fuisset admonitione pulsatus, uti matri suae benedictae Cyliniae, quod masculum conceptura esset, veridica relatione praediceret, ut nomen eius et meritum designaret. |
| 3 | Qui illico implevit imperium, et fecundissimae genitrici concepturae sobolis gaudia nuntiavit. |
| 4 | Illa vero sicut fidei credulitatis non apparuit dubia, ita suscepit in partu, quem praescierat in utero. |
| 5 | Haud morosa exstitit, ut certa, felicissimum pignus secura protinus edidit, quod prius corpore concepit. |