| 1 | Postquam igitur, devotione fidelium maximo decore praefulta eius tumuli urna exornata surrexit, prolixum est enarrare quantis se virtutibus quantisque pro debilium clamor attollat emundatione tropaeis; a quo quidquid fusis precibus expetitur, incunctanter effectibus obtinetur. |
| 2 | Huius igitur templi pro foribus paralyticus quidam depositus et eiectus, quem omnium membrorum debilitas diverso iure discreta damnaverat, pristinae incolumitatis meruit augmenta suscipere, et salutis gloriam obtinere, ut singulis vigor artubus redditus confestim, suffragante remedio, astaret illaesus, et cuius prius communis usum sermonis adnexa palato lingua confuderat, virtutem sancti antistitis resoluta oris compage laudabat. |