Venantius Fortunatus, Vita S. Hilarii, 1, LIBER., 9.
| 1 | Itaque dum regrederetur ad propria, tunc beatus Martinus, aeque meritorum lumine non absconsus, qui ab eodem sancto Hilario exorcista est postea constitutus, cognito adventu eius, Romam festinanter occurrit. |
| 2 | Quem cum iam praeteriisse cognosceret, usque ad Gallias consecutus est. |
| 3 | Neque enim Martinus, qui adhuc catechumenus Christum chlamyde sua tectum videre meruit, illi devotus occurreret, nisi per omnia mysteriis plenum in eo spiritum praevidisset. |
| 4 | Nec mirum si ille qui Deum prius vidit in paupere postea illum habitare cognosceret in doctore. |