Venantius Fortunatus, Vita Germani Ed.2, TRANSLATIO GERMANI EPISCOPI PARISIACI VETUSTISSIMA..., 3.
| 1 | Quidam etiam ex provincia Andicavorum, dum per annos fere XII manuum ae pedum, sed et oculorum fuisset privatus officio, Toronorum civitatem adveniens, in ecclesia beati Martini confessoris lumen oculorum recepit. |
| 2 | Nocte autem sequenti in somnis admonitur, ut Parisius veniens totius corporis sanitatem meritis beati Germani adquirere deberet. |
| 3 | Ubi dum veniens in ecclesia pernoctaret, universae debilitatis molestia liberatus est. |
| 4 | In quo miraculo dum hisdem languidus a beato Martine solam oculorum recepit salutem, quid aliud claruit, nisi et potuisse eum et omni sanitati restituere noluisse, ut videlicet patenter ostenderet, Germanum sibi inparem nequaquam exsistere meritis, quem in curando languido suae virtutis socium non eat passus habere dissimilem ? |