Venantius Fortunatus, Vita Germani, LVIII.
| 1 | Et quoniam suo merito semina salutis per quaeque loca dispersa sunt, contigit ut venerabilis Flameris abba de Cadone ( Chinon, supra Ligerim) Turonico, manu beati Germani subscriptam accepisset epistolam. |
| 2 | Qui cum suum monachum per duos annos febribus decubantem ad lectulum visitaret, requirit infirmus unde venisset pagina. |
| 3 | Respondit abba a domino Germano sibi fuisse directam. |
| 4 | Quam petiit sibi porrigi. |
| 5 | Qui de subscriptione eius lingua detergens litteram, salus descendit in viscera, et atramenti pictura cuncta vicit unguenta. |
| 6 | Unde approbatum est languido recuperato ut dicamus communiter, de Sancti subscriptione sibi salutem linxisse. |