Venantius Fortunatus, Vita Germani, LVII.
| 1 | Mulier de Oximense petens redemptionem a sancto viro, qua sorte, nihil accipere meruit. |
| 2 | Dehinc Britannum presbyterum pro infirmitate rectoris patriae suae benedictionem praedicti et reliquias expetiit. |
| 3 | Qui iter suum egrediens, mansionem in villa qua praedicta mulier habitabat obtinuit. |
| 4 | Quam maritus allocutus ut sicut alii et ipsi ad reliquias domni Germani occurrerent. |
| 5 | Quae despexit pro eo quod ei sanctus vir redemptionem non dederat. |
| 6 | Sed statim in loco quo stetit velut fixa stipite gressum movere non potuit: manibusque contractis ad reliquias sancti, manu mariti portata est. |
| 7 | Inter haec dicti poenitens, miserante pio viro saluti reducta est, confitens eius despectu sibi repentinum accessisse periculum. |