Venantius Fortunatus, Vita Germani, LII.
| 1 | Per singulorum compendia currant rerum miracula. |
| 2 | Namque Andulfus Ecclesiae Parisiacae clericus dum die Resurrectionis [Id est die Dominico] in vincula sua nuces ab arbore excuteret, pro eo quod operatus est in die illuminationis, caecitate percussus est, et vultu tenebroso perstitit anni spatio. |
| 3 | Dehinc Pontifici oblatus, et sancto unguine perfusus, diei rursus redditus, et sacerdotis serenum purgavit clerici nubilum. |
| 4 | Sic quidquid minister amisit, medicabilis praesul obtinuit. |