Venantius Fortunatus, Vita Germani, VI.
| 1 | Dehinc beatus Agricola Cabillonensis ( ChalonssurSaone ) episcopus habens cubicularium graviter vi febrium fessum, qui destinato animo totus pendebat in transitu, dirigit ad sanctum Virum intercedendi suffragium. |
| 2 | Tunc perceptis apicibus basilicae sub porticu ad sancti Symphoriani sepulcrum progreditur. |
| 3 | Interea vir iustus orationi incubuit, terram corpore premens et sidera mente transcendens; et quasi ante se habens praesentiam Domini, pro voto supplicis obsecrator accedit. |
| 4 | Nam mox vicinus Redemptoris auribus exauditur, et adhuc isto recubante in pulvere, aegrotum medicina perfudit; ac iusto iacente in pavimento, languidus surgit de lectulo, ante currentem medelam [Pro currente medela] quam peroret qui supplicat: ita ut portitori redeunti obviam puer occurreret cui parabantur exsequiae; ut non esset ambiguum eadem hora languidum saluti fuisse redditum, qua Vir beatissimus fusus orasse comperitur. |