| 1 | Inter delicias varias mixtumque saporem, Dum dormitarem, dumque cibarer ego, Os aperiebam, claudebam rursus ocellos, Et manducabam, omnia iura videns. |
| 2 | Confusos animos habui, mihi credite, charae, Nec valui facile libera verba dare. |
| 3 | Nec digitis poteram, calamo neque pingere versus, Fecerat incertas ebria musa manus. |
| 4 | Nam mihi vel reliquis sic vina bibentibus apta, Ipsa videbatur mensa natare mero. |
| 5 | Nunc tamen, ut potui, matri pariterque sorori, Alloquio dulci carmina parva dedi. |
| 6 | Et si me somnus multis impugnat habenis, Haec, dubitante manu, scribere traxit amor. |