| 1 | Munera direxi, sed non mea, crede fatenti, Ad te quae veniunt sunt tua dona magis. |
| 2 | Melle superfusas cunctorum porrigis escas, Cuius ab ore prius dulcia mella fluunt. |
| 3 | Copia quanta mihi maneat de munere vestro, Credite, dum spargit iam gula victa cibos. |
| 4 | Sed mihi da veniam, venerando corde benigna, Quod praesumpsit amor, sit veniale mihi. |
| 5 | Nunc Christum pro me chorus ille verendus adoret, Nec peccatorem me mea culpa gravet. |