| 1 | Quo sine me mea lux oculis errantibus abdit, Nec patitur visu se reserare meo? |
| 2 | Omnia conspicio simul, aethera, flumina, terram; Cum te non video, sunt mihi cuncta parum. |
| 3 | Quamvis sit coelum, nebula fugiente, serenum, Te celante mihi, stat sine sole dies. |
| 4 | Sed precor, horarum ducat rota concita cursus, Et brevitate velint se celerare dies. |
| 5 | Consultum nobis, sanctisque sororibus id sit, Ut vultu releves, quos in amore tenes. |