Venantius Fortunatus, Miscellanea, 11, 1, Resurrectionem carnis.
| 1 | Summa perfectionis concluditur, et caro ipsa, quae cadit, resurrectura erit immortalis, ut maneat. |
| 2 | Licet resurrectio a paganis et a quibusdam haereticis non credatur, tamen Isaias dicit: Surgent mortui et suscitabuntur; et Daniel ait: Resurgent tunc qui sunt in terrae pulvere. |
| 3 | Christus dicit: Quod autem surgent mortui, non legistis? |
| 4 | Et: Non est Deus mortuorum, sed viventium. |
| 5 | Item Apostolus dicit: Tu quod seminas non vivificatur nisi prius moriatur. |
| 6 | Et Scriptura dicit: Post resurrectionem erunt sicut angeli Dei. |
| 7 | Ergo nec hoc credentibus impossibile iudicetur, quia qui potuit hominem de terra componere, poterit hunc ex homine in angelum transformare, et post hanc vitam temporalem vitam aeternam tribuere. |
| 8 | Ergo moritur homo quasi granum in sulco, ut resurgat cum spico, et multiplicetur cum fructu, assimiletur et angelo: quod ipse salutis auctor nobis tribuere dignetur, qui, triumphato Tartaro, cum Patre et sancto Spiritu glorioso, principatum [principatu] intrans victor regnat in coelo. |
| 9 | Amen. |