Venantius Fortunatus, Miscellanea, 11, 1, Sedet ad dexteram Patris.
| 1 | Nam et ipsum sedere mysterium est carnis assumptae, et provectum sedis non divina, sed humana natura requirit; inde et hoc dictum est: Parata est sedes tua, Domine (Psal. XCII). |
| 2 | Et: Dixit Dominus Domino meo: Sede a dextris meis (Psal. CX). |
| 3 | Et illud: A modo videbitis Filium hominis sedentem a dextris virtutis Dei, iudicaturus vivos et mortuos (Matth. XXVI, 64). |
| 4 | Aliqui, dicunt vivos, iustos; mortuos vero, iniustos. |
| 5 | Aut certe vivos, quos in corpore invenerit adventus Dominicus, et intelligamus mortuos, iam sepultos. |
| 6 | Nos tamen vivos et mortuos hoc est animas, et corpora pariter iudicanda. |
| 7 | Nam de adventu Domini et Malachias ait: ( Ecce venit Dominus omnipotens (Mal. III, 1). |
| 8 | Et Daniel: Eecce in nubibus coeli quasi Filius hominis (Dan. VII, 13). |
| 9 | Et illud: Sicut fulgor ab oriente, ita et erit adventus Filii hominis. |