| 1 | Finibus Italiae cum primum ad regna venirem, Te mihi constituit rex Sigibertus opem. |
| 2 | Tutior ut graderer tecum comitando, viator, Atque pararetur hinc equus, inde cibus. |
| 3 | Implesti officium, custos revocaris amico. |
| 4 | Et mihi vel tandem iam mea cura redit. |
| 5 | Dic meus, unde venis post tempora plurima, dulcis, Magnus honore tuo, maior amore meo? |
| 6 | Promptus in affectu, Sigoalde benigne, clientum, Et Fortunato nomen, amice, pium. |
| 7 | Rex Childebertus crescens te crescere cogat, Qui modo dat comitis, det tibi dona ducis. |
| 8 | De domino tali videant sua vota fideles, Cursibus et fiat prospera vita, via. |