| 1 | Felix bis meritis sibi Macchabaea, vel orbi, Nobilitas generis, nobilior genitis. |
| 2 | Quae septem coelo palmas transmisit ab alvo, Martyriique decus protulit ille uterus. |
| 3 | Tu quoque prole potens, recte Armentaria felix, Nec minor ex partu, quam prior illa sinu. |
| 4 | Illa vetus numero maior, tu maxima coelo: Quod poterant plures, unicus hoc tuus est. |
| 5 | Fetu clara tuo, geniti circumdata fructu, Est tibi Gregorius palma, corona novus, Me Fortunatum humilem commendo verenter, Ac mihi coelestem, quaeso, preceris opem. |