| 1 | Corde parentali, iugi pietate colendi, Hinc Lupe blande mihi, Waldo vel inde sacer. |
| 2 | Ut bonitate pari simul estis honore ministri, Sic mihi consimili semper amore rati. |
| 3 | Quod valeo, facio, absens dependo salutem, Si non possum oculis, vos peto litterulis. |
| 4 | Pontifici summo nos commendare precamur, Regibus et dominis forte salutis opes. |
| 5 | Droctoveo, dulci clero, et concivibus oro. |
| 6 | Quod praesens facerem, vos adhibete vicem. |
| 7 | Mummulus egregius veneretur, Caesareusque, Et Constantino me memorate meo. |