| 1 | Corde iucundo, calamo venusto, Litteras mittis, cupiente voto, Blanda conscribens seriae salutis, Chare Gregori. |
| 2 | Exigens nuper nova me movere Metra, quae Sappho cecinit decenter, Sic Dioneos memorans amores Docta puella. |
| 3 | Pindarus Graius, meus inde Flaccus Sapphico metro, modulante plectro, Molliter pangens citharista, blando Carmine lusit. |
| 4 | Cur mihi iniungis Lyricas melodas, Voce qui rauca modo vix susurro, Eloqui chordis mea dextra nescit Pollice dulci. |
| 5 | Qui vel haec olim mihi si fuissent Nota, prudentum docili Camoena, Per tot oblitus fueram benignam Tempora Musam. |
| 6 | Cum labor doctis sit, ut ista pangant, Dogma nec quisquam sapienter intrat, Et satis constet resonare paucis Metra poetis. |
| 7 | Non leve est nautae rate transfretare. |
| 8 | Vincere aut vastum pelagus natatu; Vix procelloso repetunt sub Austro Carbasa portum. |
| 9 | Arduum nobis iter, et profundum, Quo iubes pergi, tamen ibo votis, Si minus possum pedibus viare, Ducor amore. |
| 10 | Praestitit, pastor, tua mi voluntas Codicem farsum tumido cothurno, Quemque paupertas mea vix valebat Tangere sensu. |
| 11 | Regiis verbis humili repugnat, Divites versus inopi recusans, Et mihi Mopso reserare nolens Docta sophistis. |
| 12 | Disputans multum variante miltho, Quaeque sunt rythmis, vel amica metris, Sapphicum quantum tua me arva adornent, Dulcis Epodus. |
| 13 | Multus auctorum numerus habetur, Plura dicentum modulo canoro, Quae volens isto memorare metro, Nomina frango. |
| 14 | Maxime qui nunc resolutus a te, Postque bis denos loquor istud annos, Clara quod scripsit, citharam terendo, Lesbia virgo. |
| 15 | Scire qui vult haec, Libycas arenas Ante per littus numerare tentet, Cuncta quam metris ratione cauta Carmine cingat. |
| 16 | Nam moras feci, remoratus ipse, Pluribus causis modo hinc, et inde Nec vacans legi placida quiete Dulce sophistae. |
| 17 | Scito nam, pastor, nec adhuc cucurri Ordinem totum relegens libelli, Sed satis, crede, est, satis est amanti Sola voluntas. |
| 18 | Ergo laxatus celeri volatu, Ad patrem sacrum, comitante voto, Et sibi nostrum renovans amorem, Perge libelle. |
| 19 | Forte non possum piger ire gressu, Quo vocat blandus meus ille vultus, Invicem nostram, rogo te, libelle, Redde salutem. |
| 20 | Si memor fili Pater, ore dulc. |
| 21 | Hunc precans, qui nos, mare et astra, fecit, Ac piis votis bene se colentem Pectore servet. |
| 22 | Feminae charae, sibi mente nexae, Quem colunt Agnes, Rhadegundes idem, Sicut exposcunt, vice filiarum, Solve salutem. |
| 23 | Adde Iustinam pariter precantem, Nempe commendans famulam propinquam. |
| 24 | Et refer, quantum sibi chara profert Neptis honorem. |
| 25 | Haec tibi promptus prece, voce, mente, Salvo vix implens, ego pauper arte, Sed tamen largo refluens amore, Chare Gregori. |