| 1 | Egregio compacta situ, phalerata rotatu, Atque Sophocleo pagina fulta sopho, Me arentem vestro madefecit opima rigatu, Fecit et eloquio, quod loquor, esse tuo. |
| 2 | Dulcis, chare, decens, facunde, benigne Gregori, Atque Pater patriae hinc sacer, inde cate. |
| 3 | Muneribus, meritis, animis et moribus aequis. |
| 4 | Omnibus officiis, unde colaris, habens. |
| 5 | Me Fortunatum tibi celso sterno pusillum, Commendo et voto supplice rite tuum. |
| 6 | Cui das unde sibi talaria missa ligentur, Pellibus et niveis sint sola tecta pedis. |
| 7 | Pro quibus a Domino detur stola candida vobis, Qui datis hoc minimis, unde feratis opes. |