| 1 | Tramite munifico celebravit pagina cursum, Carmine dulcifluo, quam tuus edit amor. |
| 2 | In qua sorte loci facta est collatio doni, Qua Vigenna procax littore frangit aquas. |
| 3 | Lapsibus et tumidis dum fertur nauta carinis, Iugera culta videt, quando celeuma canit. |
| 4 | Grates, chare, gero pietatis fruge reperta, Qui facis unde decens multiplicetur apex. |
| 5 | Et sine his mea sunt, a te quaecunque tenentur, Grex habet omnis agris quod bone pastor habes. |