| 1 | Summe Pater patriae, celsum et generale cacumen, Forte decus, generis Turonicensis apex. |
| 2 | Lumen ab Arvernis veniens feliciter arvis: Qui illustrans populos, spargeris ore pharus. |
| 3 | Alpibus ex illis properans, mens altior ipsis, Vir per plana sedens, qui pia castra tegis. |
| 4 | Ne noceant hostes, qui sunt in ovile fideles, Unicus in campis publica turris ades. |
| 5 | Vir date, dulce caput, regioni chare Gregori, Martini retinet quem sacra sella Patrem. |
| 6 | Me Fortunatum humilem commendo patrono, Sic tua vita diu hoc sit in orbe Deo. |