| 1 | Commendans humilitatem meam copiosissimae vestrae dulcedini et mitissimae dominationi, suggero ut causa universalis Ecclesiae talem vos habens basidem, ut nullus ventorum turbo succlinans, nulla procellarum propellens congeries possit illic invenire, quod quatiat, aut quod labefaciet, reperiat, in causa, qua conservus meus presbyter, praesentium portitor, ad vos pro singulari praesidio confidens occurrit, sicut ipse singula poterit explicare. |
| 2 | Memor sis commendationis beatae domnae meae filiae, vel iam matris vestrae, domnae Radegundae pro loci sui, vel personae, totiusque regulae stabilitate, quod petiit, et verborum vel viscerum supplicatione commisit, ita praecipiatis infatigabiliter laborare, qualiter ipse vobis in retributione sempiterna restituat, qui providet auxilium indigentibus. |