| 1 | Regali de stirpe potens Radegundes in orbe, Altera cui coelis regna tenenda manent, Despiciens mundum meruisti acquirere Christum, Et dum clausa lates, hinc super astra vides. |
| 2 | Gaudia terreni conculcas noxia regni, Ut placeas regi laeta, favente polo. |
| 3 | Nunc angusta tenes, quo coelos largior intres, Diffundens lacrymas, gaudia vera metes. |
| 4 | Et corpus crucias, animam ieiunia pascunt Salve, quam Dominus servat amore suus. |