| 1 | Quam bene conveniunt genitor quos sustulit unus, Si simul hos unum pectus utrosque tenet? |
| 2 | Visceribus iisdem genitos Flavum Evodiumque, Prorsus amore uno viscera nostra tegunt. |
| 3 | Alter in alterius mihi visu visus habetur, Et fratris speciem fratris imago dedit. |
| 4 | Unius ex facie facies mihi nota secundi, Sic speculo similem forma repressa refert. |
| 5 | Ergo pari voto paribus dans vota salutis, Ambos inter ego tertius alter ero. |
| 6 | Hoc cupiens, ut quos charis amplexibus idem Tres amor unus habet, nos quoque charta liget. |