| 1 | Prosaico quoties direxi scripta relatu, Nullaque de vestro pocula fonte bibo, Quem prius irrigua recrearas ditior unda, Nec modo Castaliis redditur haustus aquis. |
| 2 | Si me cura minor vestri tenuisset amoris, Iam fuerat lucrum stringere colla manu. |
| 3 | Nunc magis, inde minus capio, quia diligo maius, Et cum plus cupiam, vota negata [nugata] gero. |
| 4 | Qui tibi transfudit mea pectora pectore tuto, Cur rogo non pariter lumina lumen habent? |
| 5 | Vel quod, amice, licet scriptis fero, chare, salutem, Sed mihi qua relever pagina reddat opem. |