| 1 | Invitans pietate patris sacer ire Gregori, Qua domini Turonis pascis honore greges. |
| 2 | Quo sacer antistes meritis Martinus opimis, Quas prius obtinuit, has tibi credit oves. |
| 3 | Nunc quoque per caulas et florida pascua Christi, Rite gubernantes ducitis ambo greges. |
| 4 | Sed mihi vim faciens vester modo frater honore, Ad vos ne properem, nempe retorsit iter. |
| 5 | Saepe rogans voto, mandato, et missile verbo, Et coniuratus sum tibi pollicitus. |
| 6 | Vir bonitate placens, et pastor pacis amator, Foederis ob studium, sit veniale precor. |
| 7 | Vos quoque sed genitae propriae venerando salutant, Ast ego commender, quaeso, beate pater. |