| 1 | Culmen honoratum, decus almum, lumen opimum, Pastor, apostolicae sedis amore placens. |
| 2 | Amplectende mihi semper, sacer arce, Gregori, Nec divulse animo, vir venerande, meo. |
| 3 | Gaudeo quod rediit Turonis antistes honore, Laetificorque mihi, te remeasse patrem. |
| 4 | Plaudimus instanter, communia vota tenere, Civibus et patriae te revocasse diem. |
| 5 | Praesentem famulum mecum commendo, sacerdos, Optando longe vos moderare gregem. |