Venantius Fortunatus, Miscellanea, 5, 8

monumenta.ch > Venantius Fortunatus > 1 > 6 > 4 > 3 > 1 > 9 > 8 > 5 > 6 > 9 > 1 > 8 > 9 > 4 > 8 > 7 > 6 > 4 > 5 > 4 > 1 > 9 > 8
Venantius Fortunatus, Miscellanea, 5, VII. <<< >>> IX. Ad Gregorium episcopum Turonensem pro itinere.

Venantius Fortunatus, Miscellanea, 5, CAPUT VIII. Ad Felicem episcopum Namneticum [Nanneticum].

Sentio, summe Pater, lumen venerabile cunctis,
Orbis dulce caput, mihi nomen amabile, Felix,
Amplectens quem corde gero pietatis in ulnis.

Pondus suave meum, nec onus gravat istud amantem,
Cur humilem me, summe, vocas loca visere blanda,
Quae te, chare, tenent, tecum modularer in illis
Qua tua rura lavat vitrea Liger algidus unda,
Cariaci speciosus ager devexus in amnem,
Hinc ubi flumen aquis recreat, hinc pampinus umbris,
Et crepitans Boreas tot prata comata flagellat:
Uber nempe solum, piscoso littore pulchrum
Sed Fortunatum facies tua reddit amoenum