| 1 | Hoc iacet in tumulo non flenda infantia fratrum, Quos tulit innocuos vita beata viros. |
| 2 | Uno utero geniti, simili sunt sorte sepulti, Et pariter natos lux tenet una duos. |
| 3 | Lotus fonte sacro prius ille recessit in albis, Iste gerens lustrum ducitur ante Deum. |
| 4 | Nomine sed primus vocitatus rite Ioannis, Alter Patricius munere maior erat. |
| 5 | De cuius merito sic plurima signa dederunt, Felices animae, quae pia vota colunt. |
| 6 | Hic etiam felix genitrix requiescit eorum, Quae meruit partu lumina ferre suo. |