| 1 | Quisquis ab occasu properas huc, quisquis ab ortu, Munus in hoc tumulo, quod venereris, habes. |
| 2 | Respice ditatum coelesti dote talentum, Cuius semper habet pectoris arca Deum. |
| 3 | Religionis apex, vitae decus, arma salutis, Eximius meritis Victorianus adest. |
| 4 | Dignum opus exercens, qui fructificante labore, Cunctis, non soli vixit in orbe sibi. |
| 5 | Plurima per patriam monachorum examina fundens, Floribus aeternis mellificavit apes, Lingua potens, pietas praesens, oratio iugis. |
| 6 | Sic fuit, ut iam tum totus ad astra foret. |
| 7 | Plura salutiferis tribuens oracula rebus, Saepe dedit signis vita beata fidem. |
| 8 | Bissenis rexit patrio moderamine lustris, Rite Deo placitas pastor opimus oves. |
| 9 | Calle sequens recto sacra per vestigia Christum, Nunc fruitur vultu, quem cupiebat amor |