| 1 | Christe [F. Christus] principium, finis, lux est, via Christus, Nomine cuius in almifico, semperque beato, Martiali resonant hic sanctissima gesta. |
| 2 | Quis hominum digne valeat doctissimus unquam, Quanti sit meriti praeclarus apostolus iste, Dicere vel prosa, vel pulchri carmine metri, Quo saltem modicis decoretur pagina verbis? |
| 3 | Tullius atque Maro veniant: sit lingua facunda. |
| 4 | Versibus aut currens, aut prosae vellera texens, Non tua, sancte Pater, poterit depromere gesta. |
| 5 | Tellus te Romana, quibus te Gallica tellus Post Petrum recolunt iuniorem parte secunda, Cum Petro recolunt aequalem forte priori. |
| 6 | Beniamita tribus te gessit sanguine claro. |
| 7 | Urbs te sic retinet Lemovica corpore sancto. |
| 8 | Hinc tibi sit, Rex magne Deus, laus, gloria, Christe, Christe caput, finisque cluens, pax, lux, via, Christe. |