| 1 | Dius apex, carne effingens genitalia limi, Vitali terrae compingit sanguine gluten, Luciferax auras animantes affluit illic; Conditur enixans Adam factoris ad instar: Exiluit protoplasma, solo res nobilis usu, Dives in arbitrio radianti lumine; dehinc Ex membris Adae vas fit tum virginis Hevae; Carne creata viri dehinc copulatur eidem, Ut paradissiaco bene laetaretur in horto. |
| 2 | Sed de sede pia pepulit temerabile guttur, Serpentis suasu, pomi suco atra propinans. |
| 3 | Insaciatrici morti fames accidit illinc. |
| 4 | Gavisurus ob hoc coeli fluis arce locator. |
| 5 | Nasci pro nobis miseraris, et ulcere clavi In cruce configi: tali malagmate inunctis Una salus nobis ligno, agni sanguine venit. |
| 6 | Iucunda species, in te pia brachia Christi Affixa steterant, et palma piabilis in hac Cara caro poenas inmites sustulit haustu. |
| 7 | Arbor suavis agri, tecum nova vita paratur. |
| 8 | Electa ut visu, sic e crucis ordine pulchra, Lumen, spes, scutum gereris livoris ab ictu. |
| 9 | Immortale decus, nece iusti, laeta parasti. |
| 10 | Una omnem vitam sic crux tua causa rigavit, Imbre cruenta pio: velis das navita portum: Tristia submerso mundasti vulnera clavo. |
| 11 | Arbor dulcis agri, rorans e cortice nectar. |
| 12 | Ramis de cuius vitalia chrismata fragrant; Excellens cultu, diva ortu, fulgida fructu, Deliciosa cibo, et per poma suavis in umbra. |
| 13 | En regis magni gemmans et nobile signum; Murus, et arma viris, virtus, lux, ara precatu. |
| 14 | Pande, benigne, viam, vivax, et fertile lumen: Tum memor adfer opem nobis, e germine David In cruce refixus iudex cum praeerit orbi. |
| 15 | Versus qui constat ex litteris primis singulorum versuum, hic est: Dulce decus signi, via coeli, vita redempti. |
| 16 | Qui vero ex ultimis singulorum versuum litteris: In cruce mors Christi curavit mortua mundi. |
| 17 | Versus qui crucem in medio describunt, hi sunt: Crux pia, devotas Agnen tege cum Radegunde, Tu Fortunatum fragilem, crux sancta, tuere: Vera spes nobis ligno, Agni sanguine, clavo, Arbor suavis agri, tecum nova vita paratur. |