| 1 | Virtus celsa crucis totum recte occupat orbem, Haec quoniam mundi perdita cuncta refert. |
| 2 | Quodque ferus serpens infecit felle veneni, Christi sanguis in hac dulce liquore lavat. |
| 3 | Quaeque lupi fuerant raptoris praeda ferocis, In cruce restituit Virginis agnus oves. |
| 4 | Tensus in his ramis, cum plantis brachia pendens [pandens], Ecclesiam stabilit, pendulus ipse cruce. |
| 5 | Hoc pius in ligno reparans deperdita pridem, Quod vetiti ligni poma tulere boni. |
| 6 | Addita quin etiam virtutum flamma coruscat, Dona quod obsequiis crux parat ipsa suis. |
| 7 | Denique sancta cruci haec templa Gregorius offert, Dum pallas coperit, signa gerendo crucis. |
| 8 | Dona repente dedit divina potentia Christus, Mox fuit et voti causa secuta pii. |
| 9 | Pallia nam meruit, sunt quae cruce texile pulchra, Obsequiisque suis crux habet alma cruces. |
| 10 | Serica quae niveis sunt agnava [agnina], blattea, telis, Et textis crucibus magnificatur opus. |
| 11 | Sic cito Pontifici dedit haec devota voluntas, Atque dicata cruci condita vela placent. |
| 12 | Unde salutifero signo tibi clare sacerdos, Hoc cui complacuit, reddere magna valet. |