| 1 | Item aliud Pergimus inclusas a gurgite cernere terras, qua vagus Oceanus fertque refertque vices, fluctibus assiduis cum surgit ad aethera pontus, huc feritate sua mobilis unda latrat; litus harenosum refugit, nunc suscipit aestus, nunc, mare dum turget, naufraga terra latet: quo gelidum abscessit, rediens [hoc] occupat ardor. |
| 2 | atque loco huc uno sunt tria dona dei. |
| 3 | quamvis sit sterilis, fructus fert illa beatos. |
| 4 | dum caelo dignos pascit harena viros. |
| 5 | ast ego vel si qua sine vobis urbe tenerer, inter multa tamen milia solus eram. |
| 6 | cernere vos laetas merear, materque sororque. |
| 7 | cum venit excelsi cena beata dei. |
| 8 | si citius redeat frater Simplicius, oro, a me mandatae ferte salutis opus: et rogo per vestras me commendate sorores: sic faciat cunctas Christus amore suas. |