| 1 | Item aliud Dulcis opima decens, cui tanta est cura laboris, ut tibi sit modico semine magna seges, quae modo membra libens fugitivo tempore lassas, cum Christo dabitur perpetuanda quies. |
| 2 | [dextra,] ubi nempe paras sudando sororibus escas, undis et flammis hinc riget, inde calet: assiduis votis inter tua brachia volvor atque meos animos sarcina vestra terit. |
| 3 | nunc faciendo focos epulasque coquendo recurris, nec valeo matrem quippe iuvare piger. |
| 4 | filia sed portet praesens onus omne vicissim et reddat pondus participando leve. |
| 5 | det tibi auxilium mundi reparator utrisque atque diu pariter hanc foveatis opem. |