| 1 | Item aliud Hoc tibi pro summo direxi munere signum, ut pariter fratres crux tegat una duos; alternis vicibus haec pectora nostra gubernet et commune bonum participetur amor. |
| 2 | ad te quando venit, mecum magis ista manebit; plus mihi proficiet, cum tua corda tenet. |
| 3 | sit huius species intra tua viscera semper, tunc ibi perpetuam Christus habebit opem. |
| 4 | in cruce sacrata qui tunc pietate pependit, haec tibi cum pendet, porrigit ille manum. |
| 5 | communem matrem venerando voce saluto, quae maneat vobis consociata diu. |