| 1 | Item aliud Si nequeo praesens, absens tibi solvo tributum. |
| 2 | ut probet affectum, mater amata, meum. |
| 3 | si non essem [absens], facerem quodcumque iuberes: obsequiis parvis forte placeret iners; pectore devoto set rustica lingua dedisset pastoris calamo matris in aure sonum; imperiis famulans tererem mea membra diurnis, servirent dominae subdita colla suae; nulla recusarent digiti, puteoque profundo quae manus hoc scripsit prompta levaret aquas. |
| 4 | protraheret vites et surcula figeret hortis. |
| 5 | plantaret, coleret dulce libenter holus. |
| 6 | splendor erat tecum mea membra ardere coquina et nigra de puro vasa lavare lacu. |
| 7 | hinc tibi nunc absens Marcelli munera misi, cui dedit excelsum vita beata locum, et si displiceant indigno verba relatu, conplaceant animo signa superna tuo. |
| 8 | sis longaeva mihi cum nata et messe sororum. |
| 9 | virgineoque choro crescat ovile dei. |
| 10 | si tua verba dares, essent plus dulcia quam si floribus electis mella dedisset apes. |