| 1 | Item aliud Haec mihi festa dies longos superinstet in annos, gaudia magna ferens haec mihi festa dies, praestet amore deus tam prospera vota per aevum, Martini meritis praestet amore deus. |
| 2 | participata mihi vobiscum haec gaudia Christus servet in orbe diu participata mihi. |
| 3 | mitis in aure sonus suavi dulcedine tinnit, organa vocis habens mitis in aure sonus. |
| 4 | blandior esca favis vestra de fauce rigavit et nova mella dedit blandior esca favis. |
| 5 | huc Variante choro vox inde rotata cucurrit, sensibus angelicis huc Variante choro. |
| 6 | carmina sancta diu vox illa ministret ab ore et recreent animos carmina sancta diu. |