| 1 | Item aliud Cuncti hodie festiva colunt: ego solus in orbe absens natali conqueror esse tuo; qui si forte latens alia regione fuissem, ad vos debueram concitus ire magis. |
| 2 | nunc alii tibi dant, ego munera nulla sorori, vel dare qui potui pomula, mora ioti. |
| 3 | sed quamvis absens specie, sum pectore praesens et rogo quae misi dona libenter habe: sic deus omnipotens parcat matri atque sorori, quae non egerunt me retinere sibi. |
| 4 | haec pia festa diu multos, senis ipsa, per annos laeta matre simul, me quoque fratre colas. |