| 1 | Item aliud Quam prius inscribam fixam pietate parentem, quo geminae matres, extat et una [soror]? hanc praeponit honor, quae iunior extat in annis; his aetas gravior iure senile favet. |
| 2 | sed mihi dulce tribus pariter mandare salutem, est quoniam vobis carus et unus amor. |
| 3 | felix quae retinet pariter tria lumina mensa et paschale bonum multiplicare facit! angelico coetu sic participante fruantur deliciae vobis in regione dei. |