| 1 | Item aliud Sic vos Caesarii monitis honor ornet in orbe atque ambas caro cum patre Christus amet; sic hic Caesaria et praecelsa Casaria surgat, ut per vos priscus hic reparetur honor; gratia sic talis niteat, qua crescat in aevo per vos Pictavis Arelatense decus; sic pie caelesti mereamur vivere regi et mea vobiscum membra sepulchra tegant: si quod in offenso retinetur pectore murmur, in vice laxatum sit veniale precor; pacem Christus amans, mira dulcedine plenus, pectora vestra sacer se mediante liget. |
| 2 | obtineat pariter veneranda Casaria mecum, quae simul amplexu vos cupit esse pio. |