| 1 | Pro aliis deliciis et lacte Inter multiplices epulas ieiunia mittis atque meos animos plura videndo cremas. |
| 2 | respiciunt oculi medicus quod non iubet uti, et manus illa vetat quod gula nostra rogat. |
| 3 | attamen ante aliud cum lactis opima ministras, muneribus vincis regia dona tuis. |
| 4 | nunc cum matre pia gaudens soror esto, precamur: nam nos laetitiae mensa benigna tenet. |