| 1 | Item aliud ad eandem Quae carae matri, quae dulci verba sorori solus in absenti cordis amore loquar? quas locus excludit mens anxia voce requirit et simul ut videat per pia vota rogat. |
| 2 | te peto, cara soror, matri pietate benigna quod minus inpendi tu famulare velis. |
| 3 | illa decens tecum longo mihi vivat in aevo et tribus in Christo sit precor una salus. |
| 4 | nos neque nunc praesens nec vita futura sequestret, sed tegat una salus et ferat una dies, hic tamen, ut cupio, vos tempora longa reservent, ut soror et mater sit mihi certa quies. |