| 1 | Item aliud ad eandem, ut vinum bibat Si pietas et sanctus amor dat vota petenti, exaudi famulos munere larga tuos. |
| 2 | Fortunatus agens, Agnes quoque versibus orant, ut lassata nimis vina benigna bibas. |
| 3 | sic tibi det dominus quaecumque poposceris ipsum, et tibi, sicut amas, vivat uterque rogans : suppliciter petimus, si non offendimus, ambo, ut releves natos, mater opima, duos. |
| 4 | non gula vos 7 sed causa trahat modo sumere vina, talis enim potus viscera lassa iuvat. |
| 5 | sic quoque Timotheum Paulus, tuba gentibus una, ne stomachum infirmet sumere vina iubet. |