| 1 | Ad episcopos in commendatione peregrini Pontifices summi, fidei via, semita vitae, quos dedit omnipotens luminis esse duces custodesque gregi caelestis contulit agnus, vos bene pastores, ut foveantur oves: ecce viator adest peragens iter inscius illud finibus Italicis, heu peregrina gemens. |
| 2 | exulis auxilium, errantis via, norma salutis, ad reditum patriae sitis honore patres, semina iactetis, mercedis ut ampla metatis et redeat vobis centuplicata seges. |
| 3 | Fortunatus enim humilis commender opimis ac per vos domino, culmina sancta. |
| 4 | precor. |