| 1 | Pro puella a iudicibus capta a Ad Gregorium episcopum Exemplo domini mihi vel venerabilis orbi. |
| 2 | qui minimas non vis perdere, pastor, oves, sollicitis animis curam per pascua tendens, ne desint caulis, circuis ore greges: hic igitur gerulus genitam flens impie demptam, captivam subolem tempore pacis habens; Martinique pii successor honore, Gregori, qui pater es populi, hanc, rogo, redde patri. |
| 3 | iugiter ille sacris meritis inluminat orbes: orbato hanc patri redde videndo diem. |
| 4 | b Item pro eadem re ad Romulfum Si rapidis oculis te semper, amice, viderem, sic quoque vix avidum me satiaret amor; qui, si praesentis non possum cernere vultum, te mihi vel scriptis, care, saluto libens. |
| 5 | hunc etiam famulum commendo, benigne, verenter, et si iusta petit, hunc tua lingua iuvet, qui tortus graviter genitam sibi luget abactam, per vos ut redeat filia clausa, rogat, paupere ut audito, dum estis medicina dolenti, et vestris curis sit pia cura deus. |
| 6 | c Item pro eadem re ad Gallienum Officiis exerte tuis 7 moderamine sollers, sollicitus studiis, utilitate. |
| 7 | comes : more mihi solito, dulcis, tibi debita solvo; qui colo devinctus, reddo salutis opus. |
| 8 | sit commendatus homo quem male torsit iniquus, perdidit et genitam, heu, miser iste suam. |
| 9 | huic da iustitiam de vulnere corporis emptam et pie captivam fac remeare suam. |
| 10 | inter utramque necem cui lex et filia defit, unus in ambabus rebus adesto salus. |
| 11 | d Item pro eadem re ad Florentinum Dum pergit hinc quisque viam, mea pagina currat, prodat ut eloquio quod sibi debet amor. |
| 12 | nunc quoque care mihi, bone semper, amice fidelis, pectore devotus reddo salutis opus. |
| 13 | commendo hunc etiam famulum , dure ante redactum, tortus qui legem nec meruisse gemit, illa dolens gravius quam vulnera corpore fixa, quod sibi subducta est filia parva, rudis. |
| 14 | audiat hanc vocem pietas miserando benigne; quae sibi cum tribuis, hinc tibi magna dabis. |