monumenta.ch > Venantius Fortunatus > X > VIII > XI > XXII > IX > XIII > XXV > IV > XVIII > XVII > VIII > V > XII > IX > XXVIII > XXIII > IV > XIX > V > II > XXII > XII > XIII > XXV > XVIII > XVII > XVI > VIII > V
Venantius Fortunatus, Carmina, LIBER DECIMVS, , IV <<<     >>> VI

Venantius Fortunatus, Carmina, LIBER DECIMVS, V

1 IN NOMINE DOMINI NOSTRI IESV CHRISTI INCIPIVNT VERSVS
De oratorio Artannensi
Quisquis ad haec properas venerandi limina templi
dona precaturus quae dat amore deus:
haec in honore sacri Gabrielis culta coruscant,
qui pia iussa dei rite minister agit,
Zachariae veniens qui nuntia detulit astris,
Elisabeth datus est quando propheta potens,
quique redemptorem e caelo regem omnipotentem
post ait ut terris ventre Maria daret.
2 quae sacer antistes nova tecta Gregorius effert,
ut sibi caelestes restituantur opes.
Venantius Fortunatus HOME

bnf8090.123