| 1 | Item alia DOMINIS INLVSTRIBVS CVNCTAQVE MAGNIFICIS, OMNI DESIDERIO CONPLECTENDIS, SERVIENTIBVS DOMINORVM. Si humanae consuetudinis isto se generaliter per omnes unus usus extendit et ab antiquis atavis ipso tradente genere et ad nos usque naturali quodammodo lege pervenit, eo quod post triticei panis oblectantem candorem vel suavitatem pascentem ad hordeaceae frugis aristosa cibaria fastidioso nimium dente nare fauce transitur (cum delectabilis escae dulcedine permutante ad convivium pergere, nisi fames urgueat, austeritas epuli non invitat), hinc est quod inlustris ac magnifica celsitudinis vestrae gratia, copiosa cotidianae disciplinae doctrina superinundante refecta et ferventis ingenii studio lucubrante polita, post illum, ut dixerim, detersum eloquentiae vestrae nitorem et perspicue darum exercitatione purgante ad linguae nostrae rubiginosam facundiam fastidiose vestri sensus fulgida lux inclinat: cum tale sit quod sermonis nostri rumores vacillantes auditis, ac si post epulas coturnicis aut fasidis viris delicatissimis cibos ingeram pecuales. (2) Sed inter haec una spe praesumptionis videor animari eo quod aliquatenus post regales delicias esca desideretur ruralis et saepe rusticus offerat quod animum potentis oblectat. (3) Nam quamvis regum conviviis auro intermicante purpurata palla coruscet, saepe tamen iucunditate placere mensa plus adsolet vel adumbrata foliis ordinatis ex palmite vel superiecto hederae corymbo crispante. |
| 2 | igitur habet et de silva reductus pastor quod proferat; cui si desint reliqua, tamen dignantem convivam vel de lacte dives invitat. (4) Quapropter dominationi, celsitudini et, teste domino loquor, profusae dulcedini vestrae salutes venerabiliter ac desiderantissime persolventes aeterni regis clementiam deprecamur, ut domnis praecellentissimis feliciter regnantibus ac vestrae potestatis officiis crescentibus ita fugitivae huius vitae spatia producantur, ut illi piissimo tramite gubernando et vos sine macula fidelissime serviendo creatoris ac redemptoris nostri desiderato pariter intretis in regno, sperantes in Christo de vestrae caritatis affectu humilitatem nostram peculiariter omnibus sanctis et domini famulis, sed etiam domnis regnantibus vel eorum fidelibus proflua dulcedine commendetis: hoc fiducialiter deprecantes, ut veneratorem vestrum, portitorem praesentium, hominem domnae Radegundis matris vestrae, animae sanctae, vel ea quae pro utilitate necessitate praedictae domnae suggesserit coram Christo et eius angelis, tam pro sui necessaria quam prece nostra proprium habere dignemini. |
| 3 | indubitabiliter intimamus, ut quod pro causa illius apud praesentes domnos reges inpendetis apud aeternum regem centuplicato munere suis orationibus adquiratis. |