| 1 | Ad Lupum et Waldonem diaconos Corde parentali, iugi pietate colendi, hinc Lupe blande mihi, Waldo vel inde sacer, ut bonitate pari simul estis honore ministri, sic mihi consimili semper amore rati. |
| 2 | quod valeo facio: absens vel dependo salutem: si non possum oculis, vos peto litterulis. |
| 3 | pontifici summo nos commendate, precamur. |
| 4 | regibus et domnis ferte salutis opus. |
| 5 | Droctoveo dulci, clero et concivibus, oro, quod praesens facerem, vos adhibete vicem. |
| 6 | Mummolus egregius veneretur Caesariusque et Constantino me memorate meo. |